सुनसरीको उपमहानगरपालिका–खनारस्थित को खेलमैदानमा जारी फुटबल प्रतियोगितामा ले रोमाञ्चक जित निकाल्दै सेमिफाइनलमा स्थान सुरक्षित गरेको छ।
द्वारा आयोजित प्रतियोगिताअन्तर्गत आज सम्पन्न खेलमा गणेश मन्दिर क्लबले लाई पेनाल्टी सुटआउटमा ५–४ गोल अन्तरले पराजित गरेको हो। निर्धारित समयमा दुवै टोलीबाट कुनै गोल हुन नसकेपछि खेलको निर्णय पेनाल्टीमार्फत गरिएको थियो।
खेल सुरुदेखि नै प्रतिस्पर्धात्मक बनेको थियो। दुवै टोलीले आक्रामक खेल प्रदर्शन गर्दै गोल गर्ने अवसर सिर्जना गरे पनि विपक्षी रक्षापंक्ति र गोलरक्षकको उत्कृष्ट प्रदर्शनका कारण गोल हुन सकेन। पहिलो हाफमा गणेश मन्दिरले बल नियन्त्रणमा केही पकड बनाए पनि प्रकाशपुर भेटरानले काउन्टर अट्याकमार्फत दबाब सिर्जना गरेको थियो।
दोस्रो हाफमा खेल अझ रोमाञ्चक बनेको थियो। मिडफिल्डमा दुवै टोलीबीच कडा प्रतिस्पर्धा देखिएको खेलमा गोलकिपरहरूको प्रदर्शन निर्णायक रह्यो। विशेषगरी गणेश मन्दिरका गोलकिपर दिपु चौधरीले उत्कृष्ट बचाउ गर्दै टोलीलाई खेलमा टिकाइराखेका थिए।
निर्धारित समय गोलरहित बराबरीमा सकिएपछि भएको पेनाल्टी सुटआउटमा गणेश मन्दिरका खेलाडीहरूले संयमित प्रदर्शन गरे। पाँचमध्ये सबै प्रहार सफल बनाएको गणेश मन्दिरले ५–४ को जित निकाल्दै अन्तिम चारमा स्थान बनायो।
खेलमा उत्कृष्ट प्रदर्शन गरेका गणेश मन्दिर क्लबका गोलकिपर म्यान अफ द म्याच घोषित भए। उनले खेलभरि गरेका महत्वपूर्ण बचाउले टोलीको जितमा निर्णायक भूमिका खेलेका थिए।
जितसँगै गणेश मन्दिर क्लबका समर्थक तथा स्थानीय दर्शकहरू उत्साहित बनेका छन्। प्रतियोगिताको सेमिफाइनल चरण थप प्रतिस्पर्धात्मक र रोमाञ्चक बन्ने अपेक्षा गरिएको आयोजकले जनाएको छ।
