सुनसरी, सुनसरी जिल्लाको घुस्की क्षेत्रबाट ठूलो परिमाणमा अवैध लागूऔषध गाँजा बरामद गरिएको छ। नेपाल प्रहरी र सशस्त्र प्रहरी बलको संयुक्त अपरेसनको क्रममा खाल्डो खनी लुकाइराखिएको अवस्थामा करिब १,१२० किलो गाँजा बरामद गरिएको हो।
प्रहरीका अनुसार विशेष सूचनाको आधारमा सञ्चालन गरिएको अपरेसनमा सुरक्षाकर्मीले गाउँको एक स्थानमा खाल्डो खनी राखिएको गाँजा फेला पारेका हुन्। गाँजा स्थानीय तस्करहरूद्वारा भारततर्फ तस्करी गर्ने तयारीमा लुकाइराखिएको आशंका गरिएको छ।
बरामद गरिएको गाँजालाई नियन्त्रणमा लिएर थप अनुसन्धान प्रक्रिया अघि बढाइएको जिल्ला प्रहरी कार्यालय सुनसरीले जनाएको छ। यस अपरेसनलाई लागूऔषध तस्करी नियन्त्रणमा एक महत्वपूर्ण सफलता रूपमा लिइएको छ।
सुरक्षाकर्मीहरूले यस प्रकारका गतिविधिमाथि कडा निगरानी राखिएको भन्दै अवैध कारोबारमा संलग्न व्यक्तिहरूलाई कानुनी दायरामा ल्याउने प्रतिबद्धता जनाएका छन्।
