काठमाडौं — नेकपा (माओवादी केन्द्र) का अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’ शौचालयमा लडेर घाइते भएका छन्।
गए राति खुमलटारस्थित निजी निवासको शौचालयमा लड्दा उनको टाउको र निधारमा चोट लागेको जनाइएको छ। राति करिब १२ बजे उनलाई ललितपुरस्थित मेडिसिटी अस्पतालको इमर्जेन्सी वार्डमा भर्ना गरिएको थियो। उपचारका क्रममा टाउकोमा टाँका लगाइएको अस्पताल स्रोतले जानकारी दिएको छ।
प्रचण्डलाई प्रारम्भिक उपचारपछि अस्पतालबाट आज बिहान ५ बजे डिस्चार्ज गरिएको बताइएको छ। हाल उनको स्वास्थ्य अवस्था सामान्य रहेको र चिकित्सकहरूको निगरानीमा घरमै आराम गरिरहेको जनाइएको छ।
पारिवारिक स्रोतका अनुसार लडाइँ सामान्य तर अनपेक्षित थियो। अस्पतालले आवश्यक परीक्षणपछि थप गम्भीर समस्या नरहेको पुष्टि गरेको छ।
